जबरजस्ती करणीको प्रयास गर्ने रेडियोका स्टेसन म्यानेजर पक्राउ

बुटवल । रुपन्देहीमा जबरजस्ती करणी गर्ने प्रयास गरेको आरोपमा एक जना पक्राउ परेका छन् । पक्राउ पर्नेमा सैनामैना नगरपालिकामा रहेको रेडियो ‘मलमला’का स्टेसन म्यानेजर टीका खरेल रहेका छन् ।  कार्यालयका २३ वर्षीया सहकर्मीले मादक पदार्थ सेवन गरी यौन हिंसा गरेको उजुरी परेपछि इलाका  प्रहरी  कार्यालय बुटवल  खरेललाई  पक्राउ गरेको हो ।

घटना भदौ १ गते रातिको हो । रातको समयमा आफू एक्लै भएको मौका पारेर कोठामा प्रवेश गरी खरेलले जबरजस्ती करणी गर्न खोजेको पीडितको भनाई छ । घटना भएको रात  महिलाका श्रीमान् घर बाहिर थिए । सोही मौकामा खरेलले आफूमाथि यौन दुर्व्यवहार गरेको पीडितले बताइन् । भदौ ४ गते  प्रहरीकहाँ उजुरी परेसँगै  भदौ ५ गते प्रहरीले पक्राउ गरेको हो ।

इलाका  प्रहरी कार्यालय बुटवलमा  प्रहरी  निरीक्षक दीपेन्द्र बानियाँका अनुसार  खरेललाई पक्राउ गरी   जिल्ला अदालत रुपन्देहीबाट पाँच दिनको म्याद थप गरिएको  छ । उनका अनुसार जबरजस्ती करणी उद्योगमा अदालतबाट अनुसन्धान लागि म्याद थप गरिएको हो ।