काभा महिला भलिबलमा आज नेपाल र भारत भिड्दै

काठमाडौं । काठमाडौंमा जारी काभा महिला भलिबल नेसन्स लिगमा आज नेपाल र भारत भिड्दैछन् ।

खेल त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा दिउँसो ३ बजे शुरु हुनेछ । नेपालको यो दोस्रो खेल हो। भारतको भने लगातार तेस्रो खेल हो।

नेपालले पहिलो खेलमा श्रीलंकालाई २५(१९, २५(१८, २५(१९ ले हराएको थियो। नेपाल र भारतसहित इरान, श्रीलंका र माल्दिभ्स प्रतियोगितामा प्रतिस्पर्धा गरिरहेका छन्। प्रतियोगिता साउन २३ गतेसम्म चल्नेछ।